Rechtōrka we szuli kŏzała dzieckōm napisać klasynaufzac, takŏ prŏcŏ dōmowŏ we kieryj na łostatku mieli być słōwecka: „Matka jes ino jedna.”
Na drugi dziyń ta rechtōrka kazuje dzieckōm przeczytać, co napisali w dōma. Piyrszŏ czytŏ Gryjtka:
– Mama jes umiyłowanŏ, łutulŏ nŏs do śniku, wykludzŏ nŏs zawdy na szpacyr i kupuje nōm jesce roztomajte gyszynki. Matka jes ino jedna!
Tak poczytało pŏra dziecek a na łostatku czytŏ mały giździorski Hanysek.
– W naszyj chałpie balanga, gorzŏła lerje sie sztralami, byzuchanty rzigajōm na nasz gryfny tepich. Kiej sie już gorzŏła skōńczōła matka kŏzała mi pōjńść do kuchyni i przismycyj jesce dwie flaszki gorzŏły. Poszŏł żech, łozewrził żech kilszrank i wrzesca ku mojij mamulce:
– Matka!... Jest ino jedna!
Brak komentarzy:
Prześlij komentarz
ojgyn@interia.pl