Wiycie, tak jakosik przi łostatku lata musiŏłech pōjńść do mojigo dochtora „piyrszego kōntaktu”. Tak po prŏwdzie znōmy sie już kielanŏście lŏt ale zawdy po obadaniu mie zadŏwŏ te same pytani:
–Nō, panie Ojgyn, i jak tam u wŏs ze... ankoholym?
Nō, panie dochtorze... jakby to pedzieć... na łodwieczerz jedna flaszecka, ale kej warza, to już możno i dwie... A jŏ co i rōłz... fōrt warza. Jak bez cufal blank dugo warza, to poradza wysłepać i trzi szykowne falszecki... A jŏ sztyjc dugo warza... Nō, tōż niyrōłz dociōngna i do śtyruch flaszecek...
– Dobra, styknie, panie Ojgyn. A rzyknijcie mi ino a dugo to już dōma warzicie?
– Nō, łod jakichsik trzidziestuch... lŏt...
– Nō, tōż panie Ojgyn... niych już tak łostanie! Przecamć niy werci sie tego terŏzki na starōść wekslować!
Brak komentarzy:
Prześlij komentarz
ojgyn@interia.pl