Jǒ zawdy miǒł rǒd wszyjskie baby, babeczki tela, coby ino łōne blank mode byli. Terǒzki barzij ino mediikuja ło wszyjskich i ło wszyjskim, i tak mi sie zdǒ, iże baby sōm pierōnym łoszkliwe (kiejsik żech tego niy merknōł). Bo kuknijcie ino, wszyjskie baby, te wydane bez pōłowina swojigo małżyństwa poradzōm ino paś tego swojigo chopecka, kormić a juzaś bez drugǒ tajla jejich pożyciǒ ciyngiym mu przeciepować, wyszkańtować (jakōż by inakszij), iże jes spaśny i ruby nikej kormik.
Jes i jesce cosik inkszego. Ujzdrzeliście kiejsik jakoś baba, kiero by poradziyła nalǒć ino poła glaski wody. Dōm Wōm bajszpil. Jǒ mōm rod bōnkafyj ale ci tyż festelnie mocny, tyngi. I zawdy jakech jes kajsik we gościnie gǒdōm, proszã coby mi do szolki abo do glaski nalǒć ino do pōłowiny wrzawyj wody. Baba przichwoli, przikiwnie i napoczynǒ lǒć. Leje opaternie, leje, dolǒła już do pōłowiny i ...
– A co byda byzuchantowi zowiścić, co byda mu szkodować!
... dolywǒ do pǒłna!
Brak komentarzy:
Prześlij komentarz
ojgyn@interia.pl