Jedyn chachŏr, łochyntol, kery niy poradziōł znŏjść roboty (bo za niōm nikandy niy sznupŏł!) naprŏł ci sie kejsik na fest, tyrpnōł ło jedyn winkel chałupy, ło drugi, zachaczŏł latarnia, kerŏ mu stanōła na drōdze i prasknōł ci jak dugi na cesta, kole przikopy. Zrobiōł sie srogi auflauf, prziszŏł policajt, chyciōł ci tego miglanca za szkrawitel i pytŏ sie go:
– A cōż to sam tak ślygŏsz na tyj czŏrnyj ziymi? Niy gańba cie, iże ludzie sie gawcōm, dziecka?
A na to tyn elwer polekuśku:
– A wie... wiedzōm łōni, panie postrōnkowy, panie wach... wach... wachmajster jŏ wiedzōm łō... łōni pierōn... na... suchōm eźli tam na dole te mo... mo... je kamraty wōngle fedrujōm!!!
Brak komentarzy:
Prześlij komentarz
ojgyn@interia.pl