Na gōrskij ceście, na takij kryntyj drōdze we gōrach autok, cheba „maluch”, prasknōł we strom, we takŏ srogachnŏ jedla. Przijechała waleska, policajty i take tam. Te policajty pytajōm ludzi, jak to wszyjsko gynał sie dziŏło. Żŏdyn, nō ja, ale tego niy widziŏł. Jednakowōż powtŏrzajōm, iże pewnikym cosik widziŏł stary baca, ftory siedzi wele drōgi i strugŏ, rzezŏ drzewniannego świōntka.
– Baco! A widzieliście jak to bōło gynał ze tym praskniyńciym we strom? – pytajōm starygo bacy policajty.
– Anō, widziŏłech!
– Nō, tōż jak tyż to bōło?
– Widzōm łōni panoczkowie, tyn strom tam na lewo?
– Anō, widzymy. – łodpedzieli policajty.
– Widzicie? A łōni we tym autoku... niy widzieli!
Brak komentarzy:
Prześlij komentarz
ojgyn@interia.pl