Na tanksztela podjyżdżô szumny czôrny mercedes. Wylazuje śniego sztramski chop we ćmawym ancugu i ćmawych brylach. Leje do pôłna a zatym wlazuje rajn, podlazuje ku fachóm ze gorzôłeckóma, biere pôra szykownistych flaszek nôjdrogszyj whisky. Te same robi przi fachu ze kóndónami. Snerwowany przedowacz, wywóniôł, iże to możno jakisik „mafiozo” i mô pôłnô rzić strachu, co bydzie przi płacyniu.
Łorôz ze tego czôrnego mercedesa wylazuje szykownistô frela we nôjkrótszym „mini” jake ino bóło możebne, wlazuje rajn do pojstrzodka i wrzescy łod samych dźwiyrzy:
– Prosza ksiyndza! I chipsy, weź pón ksiynżoszku jeszcze paketlik chipsów!
Brak komentarzy:
Prześlij komentarz
ojgyn@interia.pl