Nałónczôs piyrszyj wojny światowyj przijechôł do kasarni jedyn srogi jynerôł na inszpekcjo. Wojoki glid styrcóm sztram, a łón lejzie paradnie i kôżdymu za rajóm ciepie jakiesik tam gupie pytanie. Prziszôł tak aże do wojôka Lojzika Klipy i pytô:
– Rzyknij mi sam czowieku, co byś zrobiół, kiejbyś na dródze trefiół łożartego kamrata-wojôka?
– Panie jynerôle, melduja usuchliwie, cobych go zakludziół do kasarni, seblyk bych ci go, wkarycół do prykola, postawiół srogi kibel przi niym i dôł na gowa zimny ómszlag.
– Szykownie, bardzo dobrze synu! Widza, co môsz srogô praktika, festne doświadczyni. Czym żeś ty sam we tyj kasarni jes?
– Panie jynerôle, melduja, co jôch je fajfus, znacy ordynans u naszego kapitana.
Brak komentarzy:
Prześlij komentarz
ojgyn@interia.pl