I tu mi sie spómniało jak to kiejsik stary Gmyrek ze synkiym wrôcali sie nazôd ze knajpy ku dómowi. Lejzóm se tak, deptajom wele tego smyntorza ze Barbórki łod tyj knajpy, kiero sie „Ludowo” mianowała a tu łorôz, z niynogła wyfuknół łod stróma taki jedyn buks i ni z tego ni ze łowygo gichnół starego Gmyrka w pychol. Mody gawcy ci sie na to i gôdô:
– Fater, musi to jakisik duch bół, a kiej niy, i tyn gizd piźnie wôs jesce rółz, to jô mu dziepiyro pokôża.
Tyn chachor richtik maznół starego jesce rółz bez pysk.
– Fater niy bójcie sie, niy strachejcie sie, niech jesce rółz sie łopowożi, to łobocy, ujzdrzi dziepiyro, co jô mu zmaluja.
A fater dostôł jesce jedna pigóła bez gynik. Na to mody Gmyrek dopolóny jak sto diosków rzóńdzi:
– Pieróna łojciec, wiycie co, pitómy drab do dóm, bo by my cheba łoba jesce tukej łoberwali !!! I na co nóm to przijńdzie ???
Brak komentarzy:
Prześlij komentarz
ojgyn@interia.pl