Życie chopów bółoby na zicher spanialiste i szykowne, kiejby mógli łóne wpôdać ino we ramiynia babeczków niy wlatujónc w jejich grace ...
Ej ... kiejby moje życie miało dupa, to bych je zarôzki w nia świtnół ...
Życie richticznego chopa ... zacinô sie po śtyrdziystce.
Polôk to niy ma kaktus – słepać na isto ... musi!
Sóm zachy moc ważniyjsze łod pijyndzy, ino trza mieć moc pijyndzy, coby sie je lajstnóńć.
Śpiywać to na isto kôżdy moge, ale niy kôżdy moge tego suchać.
Pónbóczek umar na krziżu dwa tysiónce lôt tymu nazod, ale łod tamtego czasu pôraset tysiyncy chopów w kieckach wachuje ... interesu!
Mómy prziródzóne prawo do szczyńściô, ale blank niy mómy szczyńściô do ... naszygo prawa.
Jô sie blank niy boja umrzić, ino ganc ajnfach wolôłbych, coby mie przi tym niy ... bóło!
Brak komentarzy:
Prześlij komentarz
ojgyn@interia.pl