Wrŏcōm ze szpacyru a sam przi mojij siyni styrcy deczko naprany karlus i kajsik glingo. Jŏ ida sie tak poleku i kōnski tyj gŏdki do mie dochodziyli.
– Halooo ...
– Te, chopie, jŏ do cia glingŏł ...
– Co padosz?
– Gŏdōm, iże jŏ do cia już pŏrã razy glingŏł ...
– Co padosz? Blank nic niy słysza ..
– Jezderkusie! Zwōniōłech już do cia, jŏ glingŏł ..
– Pierōnie, nic niy słysza, gŏdej głōśnij!
– Do sto pierōnōw! Gŏdōm, iże jŏ do cia glingŏł, bo mōm przi sia szykownistŏ flaszecka „wiśniōwecki” i kciŏłbych jōm ze cia ... łobalić!
– Doczkej, doczkej ... już ślazuja!
Brak komentarzy:
Prześlij komentarz
ojgyn@interia.pl